Бесарт Ибраими нема да го предводи нападот на Шкендија на утрешниот прв дуел од четвртфиналето во Купот на Македонија против Работнички. Оваа одлука денеска беше објавена и на официјалната веб-страница на тетовци, како причина наведувајќи го заморот кај „седумката“ на Шкендија по серијата тешки натпревари на оваа екипа.
Тренерот Ѓока најавил ротации во првиот тим за овој натпревар, Бесарт Ибраими заедно со Незири нема да се најде ниту меѓу 18-те фудбалери против Работнички, а за очекување е Шкендија да настапи во комбиниран состав, во обид да се избори за што подобар резултат пред реваншот во Скопје.
Првиот натпревар меѓу Шкендија и Работнички се игра утре со почеток во 13 часот на стадионот во Тетово.
