Германската репрезентација доби дозвола од УЕФА да тренира на „Вембли“ во текот на денешниот ден, а во пресрет на утрешниот осминафинален меч против Англија. Сепак, Германците нема да ја искористат оваа „привилегија“ затоа што веќе направија поинаков распоред.
Претходно, „Билд“ откри дека Германија добила негативен одговор од организаторот за реализација на тренингот на „Вембли“ затоа што тревникот требало да биде сочуван во идеална состојба токму за натпреварот. Истата забрана им беше дадена и на Австрија и Италија пред нивниот дуел кој се одигра на „Вембли“.
Германија упатила официјална жалба до УЕФА поради ваквиот принцип и потоа добила позитивен одговор. Но, сепак, селекцијата на Јоаким Лев не тренираше на „Вембли“.
