Поранешниот капитен на Манчестер Јунајтед, Гери Невил, е назначен за нов амбасадор на клубот, информираат англиските медиуми. Ова доаѓа само неколку дена откако „Олд Трафорд“ донесе многу контроверзна одлука да ја укине истата улога на легендата на клубот, сер Алекс Фергусон, прекинувајќи го неговиот договор вреден 2,16 милиони фунти.
Клучен аспект на ситуацијата е тоа што Невил, кој има одиграно 602 натпревари за „црвените ѓаволи“, нема да прима плата за оваа улога.
Впечатливо е дека поранешниот десен бек добива сè поголема улога и доверба од раководството на клубот. Тој е исто така дел од специјалната комисија која ги разгледува можностите за изградба на нов стадион за клубот и треба да излезе со официјално решение до крајот на годината.
