Поранешниот играч на Реал Мадрид, Герет Бејл, ја отвори својата сметка за голови во МЛС – лигата.
Велшкиот ас, кој сега е дел од тимот на Лос Анџелес, постигна гол во победата од 2-0 на гости кај Канзас Сити. Првиот дел од натпреварот заврши без голови, но по одморот се разиграа гостите од „градот на ангелите“.
Во 56. минута, Кристијан Аранго го отвори резултатот за Лос Анџелес со својот седми гол на последните осум натпревари. Бејл влезе како замена во 65. минута, го искористи додавањето на Аранго и во 82. минута го постави конечниот резултат.
