Репрезентацијата на Гана на Мундијалот пристигнала без дресови. Наводно, одговорниот за опремата пред патувањето по грешка ги оставил дресовите во својата земја.
Всушност, селекцијата се наоѓа во Абу Даби и засега е без потребните дресови иако добавувачот на опрема ветил дека ќе испрати нов сет спортска опрема.
Оваа приказна има и друга страна, а за неа пишува Проспер Харисон Адо, кој е адвокат и секретар во Фудбалската Асоцијација на Гана. Тој тврди дека на стартот било договорено добавувачот на дресовите да ја испрати опремата во Доха и дека тоа го направил. Очигледно било планирано тимот да не тренира со нив.
