Турскиот гигант Галатасарај покажува интерес за крилниот играч на Баерн Минхен, Лирој Сане, откриваат германските медиуми. Клубот од Истанбул се надева да го доведе германскиот репрезентативец како слободен агент следното лето.
Сепак, ваков трансфер во овој момент изгледа малку веројатен. Дваесет и осумгодишниот Сане е целосно мотивиран да заслужи нов договор од Баерн Минхен, со оглед на тоа што неговиот тековен договор истекува на крајот од сезоната.
Во исто време, управата на Баерн е неодлучна околу тоа дали треба да му понуди продолжување на соработката. Интерес за Сане покажуваат и клубови од англиската Премиер – лига, што дополнително може да го искомпликува процесот.
