Фулам приреди изненадување на „Стемфорд бриџ“ победувајќи го Челси со 1-2. Родриго Муниз постигна победнички гол во 95. минута, замолкнувајќи ги фановите на „сините“.
Натпреварот започна добро за Челси, кој поведе преку Кол Палмер во 16. минута. Сепак, Фулам се врати силно во финишот од дуелот. Хари Вилсон израмни во 82. минута, а Родриго Муниз обезбеди три големи бода за гостите.
Во другите натпревари, Нотингем Форест го совлада Тотенхем со 1-0 благодарение на голот на Ентони Еланга во 28. минута.
Њукасл беше убедлив против Астон Вила, славејќи со 3-0. Стрелци за „чавките“ беа Гордон, Исак и Жоелинтон.
