Женската фудбалска репрезентација на Македонија до 19 години ја оствари и втората победа во зоната Б од квалификациите за ЕП. По триумфот над Лихтенштајн, нашите фудбалерки ја совладаа Молдавија со 2-1.
Македонија поведе со автоголот на Чирица во четвртата минута, а Молдавките израмнија преку Колник во 19.минута.
Победничкиот гол за Македонија беше дело на Сулејмани во 70.минута од натпреварот. Последен ривал на нашиот национален тим ќе биде Словенија на 12 април.
