Видеото кое стана вирално на социјалните мрежи покажува како навивач на Лацио расистички го навредува дефанзивецот на Интер, Дензел Дамфрис, па многумина бараат забрана за влез на стадионите за ваквите фанови.
Со враќањето на навивачите на стадионите, случаите на расизам се зголемија во Италија. Последното доаѓа од “Стадио Олимпико” во Рим, каде камерите го фатија навивачот на Лацио, кој наводно користи мајмунски скандирања наменети за Дамфрис. Илјадници корисници го споделија видеото, а многумина го повикаа Лацио да му забрани доживотен влез на стадионот.
Сличен случај имаше и во Фиренца, на “Артемио Франки”, пред паузата пред две недели, со тоа што централниот бек на Наполи, Калиду Кулибали, беше расно навредуван од еден од ултрасите на домаќините. Но, и на дербито на Јувентус и Милан во Торино, кога жртва беше голманот Мајк Мањан. Полицијата ги идентификуваа двата навивачи и тие ќе добијат казна доживотна забрана од нивниот стадион.
