Италијанскиот репрезентативец Алесандро Флоренци претстојната сезона ќе ја одигра во дресот на Милан. Фудбалерот на Рома, кој двете изминати сезони ги помина на позајмица во Валенсија и во ПСЖ, повторно ќе биде позајмен на „росонерите“, но Милан има клаузула и за целосен откуп на договорот за 7 милиони евра.
Паоло Малдини се обидува да го зголеми ростерот на Милан, со оглед дека италијанскиот клуб оваа сезона се враќа во елитната Лига на шампионите. На тренерот Стефано Пиоли ќе му биде потребен широк состав за да може да ја издржи борбата на три фронта.
