Фиорентина со пресврт до триумф против Лацио (ВИДЕО)

Фиорентина славеше важен триумф (2-1) против Лацио откако направи комплетен пресврт во второто полувреме. Сега „виолетовите“ имаат 41 бод и се на седум бода од четвртопласираната Болоња.

Лацио дојде во водство во последните мигови од првото полувреме. Стрелец на голот за гостите беше Луис Алберто.

Во вториот дел, Фиорентина израмни преку Михаел Кајоде во 61.минута, а осум минути подоцна Џакомо Бонавентура се погрижи за целосен пресврт.