Фиорентина и Наполи одиграа возбудлив дуел на „Артемио Франки“ кој на крајот заврши без победник (2-2). Со тоа „виолетовите“ ги зголемија шансите за излез во Европа.
Рахмани во осмата минута погоди за водство на Наполи, но Фиорентина направи комплетен пресврт во финишот на првиот дел.
Кристијано Бираги во 40.минута израмни на 1-1 со прекрасен гол од слободен удар, а само две минути подоцна М’Бала Нзола се погрижи за пресврт.
Во вториот дел, Квича Кварацкелија постигна фантастичен гол од слободен удар за 2-2 во 57.минута и донесе бод за Наполи.
