Филип Деспотовски е нов тренер на Кожуф

Македонскиот второлигаш Кожуф го именуваше Филип Деспотовски за нов шеф на стручниот штаб. Тој ќе го предводи тимот од Гевгелија во продолжението од шамионатот во Втората фудбалска лига.

Ова доаѓа по оставката што ја поднесе Трајче Сенев, иницирана по поразот на домашен терен од Вардар Неготино (0-1).

Деспотовски претходно беше тренер на Тетекс, а беше и асистент во стручниот штаб на Ѓоко Хаџиевски во повеќе клубови од Саудиска Арабија и Обединетите Арапски Емирати.