ФФМ го претстави новиот селектор: Милевски го добива кормилото на Македонија до 2024

Фудбалската федерација на Македонија го претстави новиот селектор на националниот тим, Благоја Милевски. Тој потпиша договор до 2024 година.

„Боби, ти посакуваме се најдобро, многу успеси. Иако бројот на дресот е според должината на договорот, посакуваме соработката да трае многу подолго, изјави претседателот на ФФМ, Мухамед Сејдини.

„Благодарам за поддршката и довербата, се надевам дека ќе имаме успешни моменти. Можам да ветам напорна и посветена работа“ – рече Милевски на промоцијата.