Ферхан Хасани потпиша за Хелсингор

Поранешниот македонски репрезентативец и досегашен член на Шкендија, Ферхан Хасани, кариерата ја продолжува во данскиот второлигаш Хелсингор. Тој предвреме го раскина договорот со Шкендија и најави дека сака да игра во првенство со помал ритам.

На крајот се одлучи да ја прифати понудата на раководството на Хелсингор.

Во минатото Хасани беше дел од Брондби, еден од најпознатите дански клубови, па сѐ уште има одличен рејтинг во Данска.