Тотенхем отпадна од Евертон во инфарктниот меч од петтото коло во ФА купот откако по продолженија загуби со 5-4. Во последните пет натпревари Мурињо го победи само Вест Бромвич Албион, а поранешниот англиски репрезентативец Рио Фердинанд, кој работи како аналитичар на БТ, вели дека Тотенхем секогаш пати од индивидуалните грешки на некој фудбалер.
„Мене навистина ми е жал за Жозе Муриео бидејќи во последните неколку натпревари се гледа дека го менува пристапот. Тотенхем игра отворено и напаѓа многу повеќе, но секогаш пати поради индивидуални грешки. Можеш ти како тренер да се подготвиш одлично за секој натпревар, но немаш одговор ако те „убијат“ сопствените фудбалери“, коментира Рио Фердинанд.
Тотенхем одлично ја стартуваше сезоната, но влезе во кризен период со резултатите.
