Македонскиот репрезентативец Столе Димитриевски и неговите соиграчи од Валенсија имаа ноќ за заборав во дуелот против Барселона (0-5) во Купот на Шпанија. Нашиот голман беше меѓу стативите, но не успеа да ја спречи голеадата на каталонците, примајќи пет погодоци од тимот на Ханси Флик.
Феран Торес ја отвори серијата уште во втората минута, а до 30. минута успеа да ја затресе мрежата на Димитриевски дури четири пати. Во второто полувреме, Ламин Јамал го запечати убедливиот триумф на Барселона.
Со оваа победа, Барселона обезбеди место во полуфиналето, каде им се приклучи на Реал Сосиедад, Атлетико Мадрид и Реал Мадрид.
