Фатих Терим, еден од најголемите тренери во историјата на турскиот фудбал, го напушти кормилото на Галатасарај. Лошите резултати на тимот беа причината за најновата разделба меѓу Терим и Галата. Инаку, тој четврти пат заминува од клупата на гигантот од Истанбул.
„Во спогодбен договор, од денеска нашиот драг Фатих Терим не е веќе тренер на Галатасарај“, објави Бурак Елмас, првиот човек на клубот.
Фатих Терим во кариерата трипати беше и селектор на Турција, а ги предводеше и Милан, Фиорентина, Анкарагучу и Гестепе.
