Случајот со данскиот фудбалер Кристијан Ериксен го потресе целиот фудбалски свет и оние надвор од него. Благодарение на брзата реакција на неговите соиграчи и помошта на лекарите, на данскиот репрезентативец му го спасија животот.
Тоа ги инспирираше челниците на Премиер – лигата да направат нешто за да не се повтори овој случај. ФА на Англија ќе донираат дефибрилатори на фудбалските клубови во Велика Британија, што секако е гест вреден за восхит.
Повеќе од 2.000 места на стадионите ќе бидат покриени со дефибрилатори, а првиот контингент од 1.000 уреди ќе биде испорачан пред почетокот на новата сезона.
