Репрезентацијата на Шпанија е новиот шампион на Европа, по четврти пат во историјата е најдобра на Стариот континент, а од вечерва е рекордер и по бројот на европски титули.
Обично, за време на шампионатот се издвојува и најдобриот стрелец, но овојпат тоа не беше случај.
Немаше изразено расположени голгетери, па на врвот на листата на стрелци на крајот од Европското првенство се дури шестмина играчи, кои ќе ја поделат наградата за најдобар стрелец на шампионатот.
Тоа се: Дани Олмо (Шпанија), Хари Кејн (Англија), Коди Гакпо (Холандија), Георге Микаутадзе (Грузија), Џамал Мусиала (Германија) и Иван Шранц (Словачка).
