Португалскиот репрезентативец Бернардо Силва склучил договор со еден од саудиските клубови и кариерата ќе ја продолжи во таа земја, пренесува „Марка“.
Европскиот фудбал полека почнува да ги губи најголемите ѕвезди. Бројни играчи заминуваат со неверојатна брзина, почнувајќи од Кристијано Роналдо, Карим Бензема, Н’Голо Канте, Хаким Зијеч, Едуард Менди, Рубен Невеш, па сѐ до Бернардо Силва.
Иако најмногу го поврзуваа со Пари Сен Жермен и е еден од клучните играчи на Пеп Гвардиола во Манчестер Сити, на 29 години одлучува да замине во Саудиска Арабија каде сериозно ќе се збогати, иако и досега е член на пребогатиот Манчестер Сити.
