Кога стана јасно дека Лионел Меси ќе стане нов играч на ПСЖ, многумина видоа еден проблем во целата приказна. Тоа се премногу sвезди во соблекувалната, и се чини дека беа во право за тоа.
Ако може да му се верува на францускиот новинар Тибо Везиријан, кој важи за еден од еминентните во државата, Килијан Мбапе воопшто не е среќен со доаѓањето на Лионел Меси во ПСЖ. Тој уште пред потписот на Аргентинецот ги „предупредил“ челниците на клубот дека не сака да игра со него.
Очигледно егото на Мбапе е повредено бидејќи се во клубот сега ќе се врти околу Меси и Французинот сака да се пресели во Реал Мадрид. Тоа им го соопшти и на челниците на ПСЖ, и ако не го пуштат сега, тој дефинитивно ќе замине следното лето, кога ќе му истече договорот.
Претходно, преговорите за продолжување на неговиот договор се уште беа отворени, но се чини дека приказната сега дефинитивно добива крај.
