Норвешкото голгетерско чудо Ерлинг Халанд на лето ќе направи трансфер во актуелниот англиски првак Манчестер Сити, тврди „Скај Спортс“. Тој одлучил да ја прифати неверојатната понуда на „граѓаните“, треба да потпише петгодишен договор и да заработува повеќе од 30 милиони евра по сезона.
Борусија Дортмунд ќе добие отштета од 75 милиони евра колку што е одредено во клаузулата од договорот меѓу Халанд и клубот, а голема провизија ќе заработи и агентот Мино Раиола.
Ова станува јасно откако Барселона и Реал Мадрид сепак се откажаа од трката за потписот на Ерлинг Халанд поради огромните финансиски потреби на овој трансфер.
