Англискиот интернационалец Ерик Даер и следната сезона ќе остане во Баерн Минхен, откриваат германските медиуми. 30-годишниот фудбалер настапува за германскиот гигант како позајмен од Тотенхем.
Тој потпиша договор до крајот на актуелната сезона, со опција за продолжување на уште 12 месеци. Даер веќе ги исполни неопходните услови кои автоматски ќе му го продолжат договорот.
Од доаѓањето во Баерн Минхен, Англичанецот забележа шест настапи во сите натпреварувања.
Претходно, тој беше резерва во Тотенхем и менаџерот Анге Постекоглу ретко му даваше доверба.
