Енозис го претстави Гачевски

Поранешниот капитен на Вардар, голманот Филип Гачевски, потпиша договор со кипарскиот тим Енозис. Тој стави потпис на едногодишен договор со опција за продолжување на соработката за уште една дополнителна сезона. 

Гачевски денеска треба да се приклучи на тренинзите на Енозис и да се стави на располагање на новиот тим за предизвиците во кипарското првенство. Тој од 2015 година го носеше дресот на Вардар и забележа 117 настапи за „црвено-црните“ носејќи ја и капитенската лента.