Капитенот на македонската репрезентација Енис Барди продолжува со одлични игри во Турција. Тој го постигна својот втор сезонски погодок за Коњаспор, но неговиот тим загуби дома од Аланијаспор со 1-2.
Гостите поведоа уште во првото полувреме и на одмор заминаа со предност од 0-1. Барди ја презеде одговорноста во 51. минута – прими топка во шеснаесетникот и со прецизен удар ја затресе мрежата на противникот за 1-1. Сепак, до крајот Аланијаспор дојде до победа.
