Фудбалерот на Ливерпул и репрезентативец на Колумбија, Луис Дијаз, се сретна со својот татко, потврди Фудбалската федерација на оваа јужноамериканска земја. 58-годишниот Луис Мануел Дијаз беше киднапиран од т.н Ослободителната национална армија, но беше ослободена минатиот четврток.
Дијаз остана со своите соиграчи од Ливерпул до минатата недела, кога „црвените“ го победија Брентфорд со 3-0 во дуел од Премиер – лигата.
Луис Мануел Дијаз засега ќе остане во својата татковина и покрај сериозниот шок што го претрпе по киднапирањето.
„Ние сме семејство“, напиша Фудбалската федерација на Колумбија, објавувајќи фотографии и видео од играчот на Ливерпул и неговиот татко. Луис Мануел Дијаз беше 12 дена во заложништво на ултралевичарската герилска група Народноослободителна армија (ЕЛН).
„Имаше многу јавање, навистина тешко, многу планини, многу дожд, премногу инсекти. Не можев да спијам мирно, беше многу тешко, речиси 12 дена без сон. Сè уште не успеав да ја разберам причината за моето киднапирање. Партизаните рекоа дека немам проблеми со никого. Ми рекоа да бидам смирен дека ништо нема да ми се случи, знаејќи дека сум скромна и сакана личност во мојот град поради работата што ја работам“, изјави Луис Мануел Дијаз.
„Имав можност да го поздравам мојот син пред да одигра натпревар за својот клуб. И тој беше задоволен, среќен, бидејќи јас веќе бев со семејството“, изјави таткото на играчот на Ливерпул.
Колумбија ќе игра против Бразил во квалификациски натпревар на 17 ноември.
