Играчот од средниот ред на Арсенал, Емил Смит Роу, имаше операција на препоните и се чини дека ќе биде надвор од теренот до крајот на календарската година, објавија „топчиите“. Во соопштението се вели дека играчот од средниот ред имал мака со оваа повреда, а по натпреварот против Манчестер Јунајтед на 4 септември неговата повреда се влошила, поради што била потребна операција.
Емил Смит Роу моментно е во добра состојба и медицинскиот штаб на Арсенал очекува тој целосно да ги продолжи тренинзите во декември.
22-годишниот Англичанец сигурно ќе биде изоставен од составот на Герет Саутгејт за Светското првенство во Катар, кое ќе се игра од 20 ноември до 18 декември.
