Македонскиот репрезентативец Елиф Елмас беше стартер за Наполи на пријателскиот натпревар против Барселона што се одигра во Мајами, САД. Тој беше на теренот околу еден час и остави одличен впечаток, а Наполи загуби од Барса со 1-2.
Бускетс ја доведе Барселона во водство во 38.минута, а Умтити ја затресе сопствената мрежа четири минути подоцна по акцијата на Каљехон. Барселона стигна до триумф со голот на Иван Ракитиќ во 79.минута.
Двете екипи ќе одиграат уште еден пријателски натпревар во Мичиген, во сабота навечер по средноевропско време.
