Ниту еден фудбалер на Наполи ја нема носено „десетката“ на Наполи во чест на Диего Марадона откако тој замина од Неапол. Клубот ја повлече од употреба. Вечерва Елиф Елмас како стартер на мечот од Лигата на Европа против Ријека имаше чест да ја носи легендарната „десетка“ и на грбот да го пишува презимето на Диего Марадона, фудбалското божество кое во минатото го носеше дресот на Наполи, а вчера почина во 60-тата година од животот.
На овој начин Наполи му оддаде почит на најголемиот фудбалер во историјата кој му донесе две „скудета“.
