Македонскиот репрезентативец Елиф Елмас ќе остане во Наполи и оваа сезона. Ова откако претседателот на „наполитанците“, Аурелио де Лаурентис, ги одбил сите понуди што пристигнале за него во клубот.
Покрај италијанскиот првак Милан, за Елмас интерес појавил и Торино, кој исто така доставил официјална понуда. Сепак, Наполи кажал „не“.
Тренерот Лучијано Спалети, а и раководството на Наполи оваа сезона очекуваат Елиф Елмас да блесне во полн сјај и да се наметне како еден од клучните играчи во тимот. Минатата сезона тој имаше минутажа, но најмногу беше користен во ротацијата.
