Елиф Елмас не ја крие гордоста што го облече дресот на Наполи, па преку порака на своите официјални профили на социјалните мрежи се заблагодари на сите оние кои го овозможиле неговиот трансфер во редовите на италијанскиот вицешапион.
„Среќен сум што дојдов во Наполи и станав дел од ова семејство. Се чувствувам прекрасно што дојдов во еден од најдобрите клубови во светот и што ќе работам со еден од најдобрите тренери во фудбалската историја, г-н Карло Анчелоти. Благодарен сум на менаџментот на Наполи предводен од г-н Аурелио де Лаурентис што ми овозможи да дојдам во Наполи. Специјален поздрав до навивачите на Наполи, за кои знам дека се едни од најлојалните во светот, ви ветувам дека секогаш ќе давам се од себе носејќи го овој дрес“, напиша Елиф Елмас.
Македонскиот репрезентативец ќе се најде на списокот на патници за Шкотска, каде „наполитанците“ в недела ќе се сретнат со европскиот првак Ливерпул.
