Фудбалската репрезентација на Македонија со триумф од 2-1 против Малта ги почна квалификациите за ЕВРО 2024. Нашиот национален тим се намачи да го разбие бункерот на Малтежаните, а тоа конечно му успеа на Елиф Елмас во 66.минута. Шест минути подоцна погоди и Дарко Чурлинов, а Малта во финишот сепак постигна погодок и притискаше за израмнување. Но, бодовите останаа за нашите фудбалери.
„Ова е многу важна победа за нас. Беше тешко, знаевме дека ќе биде така, секој прв натпревар во квалификациите е посебно тежок. Малта се бранеше со голем број фудбалери и не беше лесно да се пробие тој бедем. Но, успеавме во тоа и триумфот е единствено важен. Мислам дека сплотеноста и победничкиот дух во тимот си го сторија своето. Во јуни нѐ очекуваат дуели со Украина и со Англија и мислам дека овој тим може да покаже уште поголем квалитет“, изјави Елиф Елмас, стрелецот на првиот погодок во победата над Малта.
Голманот Столе Димитриевски замина од националниот тим со дозвола од селекторот, а на барање на Рајо Валјекано. На пријателскиот меч со Фарски Острови, шанса ќе добијат некои други репрезентативци, кои немаа голема минутажа против Малта.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski