Фудбалската репрезентација на Македонија има водство од 1-0 против Ерменија по првото полувреме на пријателскиот натпревар во Струмица. Стрелец на голот беше Александар Трајковски во 43.минута.
Елиф Елмас, кој денеска за првпат ја предводи Македонија со капитенската лента, одлично асистираше, а Трајковски знаеше како да го искористи одличното додавање и погоди за предност на Македонија.
Мечот во Струмица се игра на силен дожд, но и двете селекции прикажуваат допадлив фудбал.
Селекторот Благоја Милевски, како и што најави, направи голем број промени во стартниот состав во однос на натпреварот против Украина во Прага.
