Поранешниот македонски репрезентативец Музафер Ејупи по три години во редовите на Осијек, на крајот на изминатава натпреварувачка сезона се разделува со хрватскиот прволигаш.
Ејупи им се заблагодари на сите во Осијек истакнувајќи дека минал три преубавите три години во хрватскиот тим.
„Драги навивачи на Осиек, минав три прекрасни години со вас. Често заедно се радувавме на головите и на успесите кои ги остваривме. Ја почувствував вашата голема поддршка во секој момент, не само на теренот, туку и надвор од него, во моменти кога ми беше најтешко без фудбалот. За жал, дојде време за разделба со вас и со Осијек. Никогаш нема да ја заборавам Кохорта и сите вас кои секогаш го поддржувавте клубот и мене лично. Ви благодарам на се. Секогаш овој град и клубот ќе ги носам во своето сино-бело срце и со задоволство ќе се враќам тука. Ве сака Музо“ – напиша Ејупи на својот фејсбук профил.
