Две ѕвезди на Интер побарале трансфер

По поразот од Емполи (0-1) на „Џузепе Меаца“, две ѕвезди на Интер побарале да го напуштат клубот овој јануари. Ова го откри познатиот италијански новинар Алфио Мусмара во емисијата „Топ Калчо 24“.

Тоа се Марсело Брозовиќ и Дензел Дамфрис.

Брозовиќ беше споменуван во големата размена со Барселона, но Френк Кеси одби да оди во спротивна насока, додека некои клубови од Премиер – лигата беа заинтересирани за Дамфрис.
Марота веќе изјави дека нема да го продаде Дамфрис за помалку од 45 милиони евра.