Шампионот Струга Трим Лум ги заврши настапите во Купот на Македонија. Тимот на Шпетим Дуро беше елиминиран на пенали од Воска.
Лани стружани играа во финалето, но оваа сезона побрзо го заокружија настапот во најмасовното натпреварување.
По елиминацијата, тренерот Шпетим Дуро, вели дека неговиот тим бил подобар во текот на мечот (0-0), но немале среќа при изведувањето пенали.
„При пеналите треба да имате и среќа. Жалам што победникот не го решивме во текот на 90 минути. Игравме речиси со вториот состав, но, сепак бевме подобри и имавме неколку шанси. Во фудбалот не победува секогаш подобриот“, изјави тренерот на Струга ТЛ.
