Драматични сцени на натпреварот меѓу РКЦ Валвијк и Ајакс (2-3) во првенството на Холандија. Мечот е прекинат во 86. минута откако голманот на домашниот тим Етиен Васен падна како покосен на теренот. Тој имаше судир со противнички играч, а потоа остана неподвижен.
Веднаш се увиде дека неговата здравствена состојба е критична, влетаа лекарите на теренот, а фудбалерите од двете екипи направија „ѕид“ со своите тела, за да можат докторите да го спасуваат неговиот живот.
