Драган Стојковиќ Пикси потпиша нов договор со Фудбалскиот сојуз на Србија и ќе остане селектор на репрезентацијата до Светското првенство во 2026 година, објавија медиумите кај нашиот северен сосед.
По пласманот на Светското првенство во Катар, Пикси ја предводеше Србија и до пласман на Европското првенство кое почнува на 14 јуни во Германија, прво по 2000 година на кое ќе учествуваат Србите.
Одлуката за продолжување на соработката официјално ќе биде усвоена на состанокот на Извршниот одбор на Фудбалскиот сојуз на Србија во понеделник, 27 мај, веднаш по завршувањето на седницата на Собранието на ФСС во Стара Пазова.
