Фудбалската федерација на Македонија повторно е предмет на закана за наводно поставена бомба. Зградата е евакуирана додека не мине процедурата за антитерористичка проверка.
По подолг период ФФМ е повторно вклучена во мејлинг адресата на заканите кои секојдневно пристигнуваат за наводни бомби на објекти во Скопје и Македонија.
„Денеска (21.02.2023) е пријавено дека преку електронските адреси е упатена закана за поставена експлозивна направа до Музеј на град Скопје, Природонаучен музеј, Археолошки музеј, Музеј на ММБ Спомен куќа на Мајка Тереза, ГТЦ, Ист гејт мол, ТЦ Бисер, Флатајрон, Џевахир, Управен суд, Куќа на претседателот-Вила Водно, хотел „Мериот“, хотел „Александар Палас“, СЦ „Борис Трајковски“, Железничка станица – Скопје и ФФМ. Веднаш по добиените пријави, од полициски службеници се преземени мерки и во тек се антитерористички проверки и се преземаат мерки за расчистување на случаите, стои во соопштението од МВР.
