Тренерот на Атлетико Мадрид, Диего Симеоне, се очекува да потпише нов договор со клубот. Подолг период тој преговара со раководството на клубот за продолжување на соработката. Новиот договор на Симеоне треба да има важност до 2024 година, а ќе добие зголемување на платата по освојувањето на шампионската титула во Ла Лига.
Симеоне го предводи Атлетико Мадрид веќе десет години и во тој период освои две титули во шпанското првенство, по еден Куп и еден Суперкуп, двапати ја освои Лигата на Европа и двапати го крена трофејот во Суперкупот на Европа.
