Крилниот напаѓач на Бенфика, Анхел Ди Марија, објави дека ќе се повлече од репрезентацијата на Аргентина по настапот на Копа Америка следната година.
„Ќе ја напуштам репрезентацијата на Аргентина по Копа Америка – се е готово за мене“, изјави Ди Марија за „Тодо Пасо“.
Ди Марија има 134 настапи за репрезентацијата на Аргентина и постигна 29 гола. Летово 35-годишниот се врати во Бенфика за која настапуваше од 2007 до 2010 година. Играше и за Росарио Централ, Реал Мадрид, Манчестер Јунајтед, ПСЖ и за Јувентус.
Следната Копа Америка ќе се одржи во САД во 2024 година, а Аргентина ќе го брани трофејот од претходното издание на турнирот.
