Интер со реми 2-2 кај Џенова ја стартуваше одбраната на титулата во Серија А. Во 95.минута, по прегледување на ВАР снимката беше досуден пенал за домаќинот, Јан Зомер го одбрани ударот на Месијас Жуниор, но истиот фудбалер натрча на одбиената топка и ја испрати во мрежата. Со тој погодок Џенова дојде до реми и еден бод.
Вториот гол на Интер исто така се прегледуваше преку ВАР. Маркус Турам погоди во 85.минута, беше досуден офсајд, но потоа голот беше признат.
Џенова поведе со голот на Алесандро Вољако во 20.минута, а израмни Маркус Турам десет минути подоцна.
Парма и Фиорентина одиграа 1-1. Денис Ман во 22.минута го отвори резултатот во корист на Парма, а израмни Кристијано Бираги во 75.минута.
