Напаѓачот на Интер, Един Џеко, ја одбил можноста да прејде во Јувентус. Босанскиот интернационалец преферира да остане во Интер, иако со враќањето на Ромелу Лукаку сигурно е дека ќе има помала минутажа во новата сезона.
Јуве изминатиот викенд даде конкретна понуда за Џеко, но 36-годишниот напаѓач ја одби. За да покаже дека е амбициозен да се бори за своето место во Интер, тој дури и предвреме пристигна на почетокот на летните тренинзи.
На тренерот на „бјаконерите“, Масимилијано Алегри, многу му се допаѓа стилот на игра на Џеко и не е првпат да го сака во својот тим.
Минатата сезона Босанецот постигна 17 гола на 48 натпревари во сите натпреварувања. Неговиот договор со Интер е до летото 2023 година, а неговата плата е 4 милиони евра по сезона.
