Лестер по цели 47 години успеа да слави против Арсенал во Лондон со 0-1, а стрелец беше Џејми Варди. Влезе од клупата за резерви во 60.минута и дваесетина минути подоцна ја затресе мрежата на „топчиите“ пробивајќи ја одбраната на домаќинот.
Варди ја фати на спиење одбраната на Арсенал и го искористи центаршутот на Ченгиз Ундер кој практично го пронајде на вистинската позиција. Тој имаше уште една одлична шанса во судиското продолжение, но Бернд Лено спаси во последен момент.
