Селекторот на Франција, Дидие Дешамп, ќе остане на клупата на „триколорите“ до крајот на договорот, до 2026 година. Французите беа елиминирани од Шпанија (1-2) во полуфиналето на Европското првенство, по што почнаа шпекулациите дека селекторот Дешамп ќе добие отказ. Сепак, тоа нема да се случи.
„Дешамп ќе остане селектор, тој има договор до 2026 година и ја оствари првата цел која ја имаше на шампионатот. Нема потреба да се разгледува можноста за прекин на соработката“, соопшти Филип Дијало, претседателот на Фудбалската федерација на Франција.
Дешамп е селектор на Франција од 2012 година.
