
Селекторот на Франција, Дидие Дешамп ги коментираше причините за поразот од Италија со 1-3 во Лигата на нации. „Петлите“ го отворија резултатот во првата минута со голот на Бредли Баркола, но потоа дозволија целосен пресврт.
„Мораме да се потпреме на фактите. Почнавме многу силно, но цело време не можевме да го одржиме ова ниво, а противникот ги казнуваше нашите грешки. Евидентно е дека во моментот не сме во најдобрата форма“, објасни Дешамп.
„Имаме доволно класа за да правиме добри работи со топката. Сепак, Италија покажа дека е многу дисциплинирана и организирана репрезентација. Ги искористија слободните простори што ги оставивме“, продолжи францускиот селектор.
„Отсекогаш сум бил одговорен за резултатите и така ќе биде и во иднина. Ние самите му дадовме оружје на противникот да нѐ порази. Тешко е да притискаш 90 минути. Ги немавме потребните ресурси за тоа. Игравме отворено, но немавме сили да се одбраниме“, истакна Дидие Дешамп.

-
МАКФУДБАЛ ТИМ НА ПОЛУСЕЗОНАТА
Силекс заврши на врвот по првиот дел од сезоната во Првата лига, благодарејќи на...
Автор makfudbal
-
МАКФУДБАЛ ИГРАЧ на полусезоната: Али Регба (Работнички)
Работнички е најпријатното изненадување на првиот дел од сезоната во Првата фудбалска лига. „Романтичарите“...
Автор makfudbal