Македонскиот репрезентативец Дени Илиев му се заблагодари на легендарниот Петр Чех за времето поминато заедно во составот на Арсенал. Истакна дека тој бил негов пример и од него научил многу од голманските вештини.
„Имав можност да тренирам со еден од најдобрите голмани во светот, кој го гледав уште додека растев. Ти беше мој пример, научив многу од тебе во последните неколку години колку што работевме заедно. Ти си одличен голман и прекрасна личност и ти посакувам се најдобро во иднина“, напиша Илиев на социјалните мрежи.
