Нитра славеше со 0-1 на гостувањето против Серед во македонското дерби од словачкото првенство, во кое силите ги одмерија Милан Ристовски и Дени Илиев.
Токму младинскиот репрезентативец Ристовски беше во главна улога, реализирајќи на извонреден начин слободен удар во 72. минута, совладувајќи го Илиев и носејќи значајни три бода на својот тим.
За Ристовски ова беше осми овосезонски погодок, со што тој е втор најдобар стрелец во шампионатот на Словачка.
