Арсенал и официјално го објави трансферот на играчот за врска Деклан Рајс, кој пристигнува од Вест Хем за сума од 105 милиони фунти. Тој стана најскапиот англиски фудбалер во историјата, најскапиот влезен трансфер на „топчиите“, најскапата продажба на „чеканите“ и најскапиот играч меѓу два клуба од Премиер – лигата.
„Среќен сум што Деклан дојде во нашиот тим. Тој е фудбалер со одлични квалитети, кој покажа високо ниво во Премиер – лигата и во англиската репрезентација во изминатите сезони. Има само 24 години, а веќе е неверојатно искусен. Верувам дека ќе биде големо засилување за нашиот тим“, рече менаџерот на „топчиите“, Микел Артета.
